Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

Мазырскаму кандыдату ад Партыі БНФ “зарубілі” тэлеэфір

Перадвыбарчы пікет Міхаіла Бандарэнкі ў Мазыры.
Перадвыбарчы пікет Міхаіла Бандарэнкі ў Мазыры.

Запіс перадвыбарчага выступлення кандыдата ад Партыі БНФ па Мазырскай выбарчай акрузе №42 Міхаіла Бандарэнкі не выйшаў ў эфір тэлеканала «Беларусь-3».

Выступленнt павінна было транслявацца 28 кастрычніка на РУП ТРК “Тэлерадыёкампанія “Гомель”.

Найбольш вострыя словы ў выступленні кандыдата Бандарэнкі, якія маглі стаць прычынай для такога рашэння:

“Не верце дыктатару і яго памагатым. Яны хлусяць, ім пляваць на народ. Толькі разам мы можам змяніць уладу. І мы зробім гэта на працягу года. Так, Лукашэнка сыдзе, і тады ў нашай краіне пройдуць сапраўдныя свабодныя выбары. Будзем разам, і Беларусь стане вольнай. Жыве Беларусь!”.

Дарэчы, гэта ня першы такі выпадак у Гомелі. 22 кастрычніка не патрапіў у тэлеэфір выступ кандыдата ад АГП Уладзіміра Няпомняшчых.

“Праваабаронцы за свабодныя выбары”.


Навіны кампаніі ў фэйсбукутвітэры і на Тэлеграм-канале


Каментары