Фотафакт: У інтэрнаце прагаласаваўшых просяць адзначыцца ў вахцёра
Як паведаміў назіральнік кампаніі "Праваабаронцы за свабодныя выбары" Алесь Капуцкі, у інтэрнаце Маладзечанскага завода лёгкіх металаканструкцый вісяць абвесткі з заклікам прыняць "актыўны ўдзел у выбарах". Акрамя таго, просяць прагаласаваўшых адзначыцца ў вахцёра.
Па Маладзечанскай гарадской акрузе № 72 у дэпутаты балатуюцца тры дэпутаты ў кандыдаты. Сярод іх — дзеючая дэпутка Парламента Людміла Канановіч і актывіст, сябра Аб'яднанай грамадзянскай партыі Валянцін Цішко.
Кампанія “Праваабаронцы за свабодныя выбары” у чарговы раз нагадвае, што выбары – гэта права, а не абавязак, і кожны грамадзянін мусіць самастойна абіраць калі і за каго галасаваць. Калі вы сутыкнуліся з парушэннямі пад час датэрміновага галасавання, калі ласка, тэрмінова паведамляйце назіральнікам: elections2019@spring96.org, Facebook і Тэлеграм-канал праваабаронцаў.
“Праваабаронцы за свабодныя выбары”.
Навіны кампаніі ў фэйсбуку, твітэры і на Тэлеграм-канале