Калінкавічы: Дэпутат актывізаваў сваю дзейнасць
На сайце “Калінкавіцкіх навінаў”, афіцыйным органе раённага выканаўчага камітэта і райсавета, за апошні тыдзень жніўня тройчы з’яўлялася інфармацыя пра дзеючага дэпутата Палаты прадстаўнікоў Яўгена Адаменку.
Загалоўкі навінаў яскрава сведчаць пра кіпучую дзейнасць дэпутата, якая чамусьці актывізавалася напачатку новай выбарчай кампаніі: “Яўген Адаменка пабываў у гасцях у шматдзетнай сям'і”, “Яўген Адаменка: Трэба ўвайсці ў становішча кожнага чалавека, зразумець і па магчымасці дапамагчы”, “Яўген Адаменка сустрэўся з калектывам ЦСМС”.
На мінулых парламенцкіх выбарах ён вылучаўся па Калінкавічскай выбарчай акрузе №41.
Яўген Адаменка з’яўляецца старшынёй Пастаяннай камісіі па аграрнай палітыцы, да гэтага працаваў старшынёй Калінкавіцкага, а затым і Мазырскага райвыканкама.