Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

Азярніца: выбаршчыкаў уводзяць у зман?

Пікет па зборы подпісаў за Віктара Марчыка
Пікет па зборы подпісаў за Віктара Марчыка

У панядзелак, 16 верасня, у аграгарадку Азярніца Слонімскага раёна прайшоў пікет па зборы подпісаў за вылучэнне кандыдатам у дэпутаты Палаты прадстаўнікоў па Слонімскай выбарчай акрузе № 58 прадстаўніка БНК Віктара Марчыка.

Са слоў некалькіх мясцовых жыхароў стала вядома, што ў Азярніцы таксама збіраюць подпісы за вылучэнне праўладнага прадстаўніка з Зэльвенскага райвыканкама Валянціна Семяняку. Пры гэтым зборшчыкі подпісаў кажуць людзям, што больш ні за каго ставіць подпісы нельга. Нібыта той, хто паставіў подпісы за праўладнага вылучэнца – за іншага ставіць ужо не можа. Так вяскоўцаў папярэджвалі зборшчыкі подпісаў. 

Пікет па зборы подпісаў за Віктара Марчыка
Пікет па зборы подпісаў за Віктара Марчыка

Дадзеную сітуацыю пракаментаваў Віктар Марчык

“Усім і так зразумела, што прызначаны кандыдат ад улады з Зэльвы стане дэпутатам, хоць за яго людзі і не прагаласуюць. Навошта казаць людзям няпраўду падчас збору подпісаў? Магчыма вертыкальшчыкі сёння спалохаліся актыўнасці альтэрнатыўнага прэтэндэнта ў кандыдаты. І такім чынам хочуць спыніць нам збор подпісаў за вылучэнне. Але скажу шчыра, што людзі вельмі актыўна ставяць свае подпісы за кандыдата ад народа, ставяць подпісы ад шчырага сэрца, бо яны хочуць памяняць сваё жыццё, ім надакучыла так жыць, людзі хочуць у краіне перамен да лепшага".

"Праваабаронцы за свабодныя выбары"


Навіны кампаніі ў фэйсбукутвітэры і на Тэлеграм-канале.


Каментары