Барысаўскі актывіст “Грамады” атрымаў ужо другое папярэджанне ад выбарчай камісіі
Акруговая выбарчая камісія Барысаўскай гарадской выбарчай акругі №62 вынесена другое папярэджанне актывісту Беларускай сацыял-дэмакратычнай партыі (Грамада) Аляксандру Абрамовічу і яго ініцыятыўнай групе. Пра гэта паведаміў назіральнік кампаніі “Праваабаронцы за свабодныя выбары” Алег Мацкевіч, які прысутнічаў на пасяджэнні камісіі 23 верасня.
- Сябра камісіі А.Барадаўка на пікеце "Грамады". Фота: Алег Мацкевіч
Сябра камісіі А.Барадаўка сказаў, што наведаў пікет 19 верасня 2019 г. і заўважыў, што на драўляным стэндзе была інфармацыя за збор подпісаў у падтрымку вылучэння кандыдатам у прэзідэнты Міколы Статкевіча, а таксама надпіс "Лукашенко должен уйти". У той жа час не было інфармацыі аб тым, што ідзе збор подпісаў у падтрымку вылучэння кандыдатам у дэпутаты Аляксандра Абрамовіча.
Як і папярэдні раз, камісія прагаласавала адзінагалосна "за" вынясенне папярэджанне. Ізноў праект рашэння камісіі аб вынясенні папярэджання ўжо быў ужо раздрукаваны на паперы і ляжаў на стале ў старшыні АВК №62 Л. Чэча.
Назіральніку кампаніі Алегу Мацкевічу сябры камісіі адмовілі ў азнаямленні з тэкстам рашэння.
Нагадаем, першае папярэджанне было вынесенае Абрамовічу 19 верасня таксама за надпіс на стэндзе "Лукашенко должен уйти" падчас збору подпісаў.
"Праваабаронцы за свабодныя выбары".
Навіны кампаніі ў фэйсбуку, твітэры і на Тэлеграм-канале.