Акруговыя камісіі ў Гомелі ўзгадняюць месцы для правядзення перадвыбарчай агітацыі
Акруговая камісія Гомельскай-Юбілейнай акругі правяла 27 верасня пасяджэнне камісіі, на якім узгадніла месцы для размяшчэння агітацыі на тэрыторыі акругі, у які акрамя часткі Чыгуначнага раёна Гомеля ўваходзіць і пасёлак Касцюкоўка, які не так даўно стаў гарадскім мікрараёнам.
Пра тое, як прайшло пасяджэнне камісіі распавядае назіральнік кампаніі "Праваабаронцы за свабодныя выбары» Андрэй Стрыжак.
«Па ўжо ўстаялай традыцыі камісія працуе вельмі хутка. На гэты раз сябры камісіі ўзгаднілі месцы для размяшчэння агітацыйных матэрыялаў усяго за шэсць хвілін. На маю просьбу азнаёміцца са спісам месцаў мне было сказана, што ўсё будзе апублікавана на сайце гарвыканкама».
Аднак па стане на 30 верасня такая інфармацыя на сайце Гомельскага гарвыканкама адсутнічае.
"Праваабаронцы за свабодныя выбары".
Навіны кампаніі ў фэйсбуку, твітэры і на Тэлеграм-канале.