Праваабаронцы за свабодныя выбары

Цэнтральная выбарчая камісія паведаміла, што па ўсёй Беларусі пададзена 366 апавяшчэнняў аб правядзенні масавых мерапрыемстваў кандыдатамі ў дэпутаты, іх даверанымі асобам. Усяго заяўлена 12 606 агітацыйных масавых мерапрыемстваў. Большасць з іх — у Мінску. У 223 паведамленнях пазначана 7 322 масавых мерапрыемстваў. Для параўнання: у Віцебскай вобласці на 3 апавяшчэнні заяўлена 11 масавых сходаў, а ў Магілёўскай — на адно 138.

"Праваабаронцы за свабодныя выбары" ў апошняй аналітычнай справаздачы адзначылі, што назіральнікі характарызуюць агітацыйную кампанію пасіўнай і незаўважнай для выбаршчыкаў. Здавалася б, як могуць быць незаўважнымі заяўленыя больш за сем тысяч пікетаў? Мы выйшлі на вуліцы Мінска, каб праверыць гэта. Што з гэтага атрымалася, глядзіце ў нашым фотарэпартажы.

Адразу мы адправіліся ў раён плошчы Якуба Коласа. Мы ведалі, што там звычайна праводзяцца выбарчыя мерапрыемствы. Аднак каля "Камароўкі" банер "Выбары-2019" перакрыў пікет "Белай Русі", якія агітавалі за кандыдата ў дэпутаты Дзіка.

Акрамя выбарчай праграмы кандыдата ў дэпутаты па Мінскай-Коласаўскай акрузе №106 Сяргея Дзіка, рабяты прапаноўвалі ўзяць яшчэ каляндарык з фатаграфіяй Дзіка на 2020 год.

Побач на стэндзе размешчаныя агітацыйныя ўлёткі Аб'яднанай грамадзянскай партыі

У раёне плошчы Якуба Коласа мы знайшлі яшчэ адзін пікет. І зноў "Белай Русі". І зноў, які агітуе за кандыдата Сяргея Дзіка.

Акрамя агітуючых пікетаў за гэтага кандыдата, іншых тут мы не знайшлі. Мы паехалі на вакзал.

Станцыя метро "Плошча Леніна"

Адразу мы ўбачылі агітацыйны пікет кандыдаткі па Мінскай-Чкалаўскай акрузе №96, актывісткі "Еўрапейскай Беларусі" Аксаны Юшкевіч. У гэтую суботу яе пазбавілі рэгістрацыі ў якасці кандыдаткі ў дэпутаты.

У Аксаны Юшкевіч на стэндзе размешчаная азнаямляльная інфармацыя пра іншых кандыдатаў "Еўрапейскай Беларусі" і іх давераных асобах.

Недалёка размяшчаецца агітацыйны пікет кандыдата па гэтай жа акрузе Андрэя Савіных (экс-пасла Беларусі ў Турцыі)

А гэта агітацыйны пікет "Еўрапейскай Беларусі" 25 кастрычніка насупраць Мінгарсуда, дзе выносілі прысуд Дзмітрыю Паліенку.На пікет прыйшла старшыня АВК па Пушкінскім акрузе №103 Ірына Дрозд. Усё, што адбываецца яна здымала на тэлефон.

"Праваабаронцы за свабодныя выбары"

Навіны кампаніі ў фэйсбуку, твітэры і на Тэлеграм-канале