Прэтэндэнту ў кандыдаты Раману Кісляку суд адмовіў у выкліку ў суд выбаршчыкаў
У Брэсцкім абласным судзе 29 кастрычніка суддзя Святлана Ілюшына разгледзела скаргу прэтэндэнта ў кандыдатыпа Берасцейскай АВК №2 Рамана Кісляка.
Раман Кісляк, прадстаўнік праціўнікаў будовы акумулятарнага завода. Ён вылучаўся двума шляхамі: ад грамадзкага аб'яднання "Рух за Свабоду" і шляхам збора подпісаў.
Раней АВК-2 прыняла рашэнне адмовіць яму ў рэгістрацыі, паколькі Выбарчы кодэкс не прадугледжвае такую магчымасць. Ягоныя спасылкі на артыкулы Канстытуцыі камісія не прыняла да ўвагі, маўляў там напісана "адпаведна закона", а кодэкс не прадугледжвае.
Што да вылучэння шляхам збору подпісаў грамадзянам - камісія палічыла, што ў сабраных подпісах шмат памылак ў напісанні словаў і імён, таму гэтыя подпісы камісія прызнала "несапраўднымі" і прэтэндэнту было адмоўлена у рэгістрацыі кандыдатам. Скарга прэтэндэнта ў кандыдаты ў Брэсцкую абласную камісію была пакінутая без задавальнення.
Абласны суд адмовіўся выклікаць у суд выбаршчыкаў, у чыіх дадзеных былі выяўлены памылкі, каб пацвердзіць іх сапраўднасць.
У выніку разгляду справы скарга пакінута без задавальнення.
"Праваабаронцы за свабодныя выбары".
Навіны кампаніі ў фэйсбуку, твітэры і на Тэлеграм-канале