Словы “міліцэйскае бязмежжа” могуць выклікаць сацыяльную напружанасць у грамадстве
Брэсцкая абласная камісія 4 лістапада разгледзела скаргу апошняга з кандыдатаў-праціўнікаў будаўніцтва завода АКБ Уладзіміра Мароза на рашэнне АВК-4 аб адмене рашэння аб рэгістрацыі яго кандыдатам.
"Берасцейская вясна" нагадвае, 1 лістапада Уладзіміра Мароза абвінавацілі ў распаўсюдзе ўлётак без выходных дадзеных, несвоечасовага зыходу ў адпачынак і спробу правесці сустрэчу з выбаршчыкамі без своечасовага ўведамлення.
Старшыня АВК-4 Надзея Зайцава патлумачыла абласной камісіі, што размова аб сустрэчы была, але пісьмовага паведамлення не было.
Давераная асоба кандыдата Сяргей Вакуленка запярэчыў:
“Дырэктар клуба папрасіла, каб мы звярнуліся у камісію, а камісія параіла дамовіцца з клубам і вызначыцца з датай, мы выканалі ўсе патрабаванні і нават больш… Я звяртаўся 28-га, а атрымаў адказ па пошце 4-га...”
Кандыдат Уладзімір Мароз патлумачыў, што не займаўся распаўсюдам ўлётак без выходных дадзеных.
"Гэта карысна маім канкурэнтам па выбарах. Адзін з трох інфарматараў - кандыдат па акрузе.”
Давераная асоба кандыдата Раман Кісляк:
“Улёткі гэта нейкая спецаперацыя, некалькі штук павесілі і хуценька знялі і даставілі... Так любога можна зняць! Гэта грубая правакацыя, ніякай праверкі не праводзілася і вінаватыя не ўстанаўліваліся".
Старшыня абласной камісіі Аляксандр Каляда лічыць, што ў кандыдата Уладзіміра Мароза ёсць прыкметы парушэнняў: “Словы “міліцэйскае бязмежжа” могуць выклікаць сацыяльную напружанасць у грамадстве. Ці гэта не абраза супрацоўнікаў міліцыі?”
Старшыня аблкамісіі Аляксандар Каляда прапануе камісіі адмовіць у задавальненні скаргі і ставіць на галасаванне.
Двое членаў камісіі ўстрымаліся, бальшыня “ЗА”.
Кандыдат Уладзімір Мароз мае намер абскардзіць рашэнне Брэсцкай абласной камісіі ў судзе.
“Праваабаронцы за свабодныя выбары”.
Навіны кампаніі ў фэйсбуку, твітэры і на Тэлеграм-канале