Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

Светлагорск: апазіцыйных кандыдатаў чакаюць папярэджанні

Андрэй Смалянчук на пікеце. Скрыншот з відэа "Гомельскай вясны".
Андрэй Смалянчук на пікеце. Скрыншот з відэа "Гомельскай вясны".

На пасяджэнні Светлагорскай выбарчай акругі № 46, якое павінна адбыцца ў панядзелак 11 лістапада, збіраюцца выносіць папярэджанні адразу некалькім кандыдатам у дэпутаты.

Як паведамляюць назіральнікі кампаніі “Праваабаронцы за свабодныя выбары”, кандыдат у дэпутаты ад Аб’яднанай грамадзянскай партыі Андрэй Смалянчук пачаў распаўсюджваць друкаваную інфармацыйна-агітацыйную прадукцыю не прадставіўшы ўзоры ў АВК.

Давераная асоба кандыдата Т. Наскова праводзіла сустрэчу з выбаршчыкамі ў в. Печышчы. Пасля сустрэчы ў клубе, яна хацела размясціць агітацыйныя матэрыялы Смаленчука, але ёй не дазволілі, хаця на стэндзе ўжо вісеў плакат праўладнага кандыдата - фота і слоган. А на плакаце Смаленчука была надрукавана яшчэ і ягоная праграма.

Са слоў Насковай, ёй было сказана, что яны ужо падрыхтаваліся да выбараў, таму агітацыйныя плакаты вешаць нельга ў будынку клуба. У бібліятэцы пры гэтым плакат праўладнага вісіць.

Кандыдату ад ад партыі левых «Справядлівы свет» Марату Петуху таксама пагражае папярэджанне.

Кажуць, што ён самастойна вырабіў на ўласным кампутары і раздрукаваў на прынтары агітацыйныя ўлёткі, паколькі грошай на выбарчую кампанію ў яго няма.

“Праваабаронцы за свабодныя выбары”.


Навіны кампаніі ў фэйсбукутвітэры і на Тэлеграм-канале


Каментары