Столін: Актыўнасць кандыдата ад БСДП (Грамада) камусьці вельмі не падабаецца
Кандыдаты ў дэпутаты ад Беларускай сацыял-дэмакратычнай партыі (Грамада) па Берасцейскай вобласці Ігар Маслоўскі, Ганна Канюс, Сяргей Мазан, Валянцін Лазарэнкаў, Таццяна Тарасевіч, Віктар Кавалюк, Наталля Галанина, Леанід Дубаносаў і Фёдар Петрусевіч звярнуліся з афіцыйнай заявай да СМІ, грамадскасці, іншых кандыдатаў і праваахоўных органаў.
Кандыдаты лічаць, што на іх калегу Сяргея Мазана, які балатуецца па Столінскай акрузе №16, аказваецца відавочны ціск.
- Сяргей Мазан
Па словах кандыдатаў, увесь дзень 10 лістапада агітацыйную групу Мазана пераследвалі два чалавекі – Вадзім Макееў і чалавек, апрануты ў белы халат. Яны заміналі праводзіць агітацыю, умешваліся ў правядзенне мерапрыемстваў, правакавалі кандыдата і яго даверных асобаў, Макееў здымаў усё на камеру. Сяргей Мазан выклікаў міліцыю, аднак тыя нічога не зрабілі.
- Вадзім Макееў
Таксама цягам апошніх двух сутак, па словах Мазана, ён атрымаў некалькі дзіўных паведамленняў і каментароў на Youtube, якія лічыць прамой і ўскоснай пагрозай. Акрамя таго, Мазана цкуюць у дзяржаўных медыях.
"Прааабаронцы за свабодныя выбары".
Навіны кампаніі ў фэйсбуку, твітэры і на Тэлеграм-канале