Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

Ярмошына рэкамендавала надрукаваць праграму кандыдата, знятую з-за фразы «З Лукашэнкай няма будучыні»

Аляксандр Комар. Фота з сацыяльных сетак
Аляксандр Комар. Фота з сацыяльных сетак

Кіраўнік ЦВК Лідзія Ярмошына рэкамендавала газеце "Бабруйскае жыццё" апублікаваць праграму кандыдата ад АГП Аляксандра Комара, якую раней не надрукавалі з-за фразы «З Лукашэнкам у краіны няма будучыні". Пра гэта, як паведамляе TUT.BY, гаворыцца ў афіцыйным адказе кіраўніка ЦВК на скаргу Комара.

Праграму кандыдата надрукаваць паспелі, алене абыйшлося без купюр. Фраза «З Лукашэнкам у краіны няма будучыні" ўсё адно была знятая. 

Дагэтуль газета некалькі гадоў Бабруйскага гарвыканкама «Бабруйскае жыццё» адмовілася друкаваць перадвыбарчую праграму кандыдата ў дэпутаты па Бабруйска-Ленінскай выбарчай акрузе № 78 Аляксандра Комара. Фразу «З Лукашэнкам у краіны няма будучыні» рэдакцыйны савет палічыў за крамолу.

Як распавядаў кандыдат, рашэнне не друкаваць яго праграму прымалася на рэдакцыйным савеце, які рэкамендаваў ўнесці змены ў фармулёўку ў пункце праграмы «як гэта рабіць?» (Дзе змяшчалася фраза пра Лукашэнку. - Заўвага. TUT.BY). Калі ж ён не пагодзіцца - адмовіць у публікацыі праграмы.

Кандыдат падаў скаргу ў ЦВК і атрымаў афіцыйнай адказ за подпісам Лідзіі Ярмошынай. Кіраўнік ЦВК напісала, што «у сувязі з пачаткам датэрміновага галасавання і хуткім надыходам дня выбараў скліканне Назіральнага савета па кантролі за выкананнем парадку і правілаў правядзення перадвыбарчай агітацыі ў СМІ, адукаванага пры ЦВК, абцяжаранае».

«Разам з тым рэдакцыі газеты "Бабруйскае жыццё" дадзены рэкамендацыі па апублікаванню вашай перадвыбарчай праграмы ў дадзенай газеце», - гаворыцца ў адказе Ярмошынай.

"Праваабаронцы за свабодныя выбары".


Навіны кампаніі ў фэйсбукутвітэры і на Тэлеграм-канале


Каментары