Новая форма справаздачнасці? Выбаршчыкі патрабуюць даведкі аб датэрміновым галасаванні
Выбаршчыкі па ўсёй Беларусі працягваюць прасіць у выбарчых камісій даведкі аб датэрміновым галасаванні.
Назіральніца са Светлагорску Алена Маслюкова паведамляе, што на участку для галасавання №19 прыйшла жанчына і хацела прагаласаваць. Сказала, што начальнік адправіў, аднак пашпарт з сабой не захапіла. Бюлетэнь ёй не выдалі. Тады жанчына заявіла, што ў яе начальніка заўтра інфаркт можа здарыцца і папрасіла выдаць ёй даведку, што яна прыходзіла на ўчастак.
"На ўчастку №59 Магілёўскай-Прамысловай выбарчай акругі №87 16 лістапада выбаршчык, якога адпусцілі з працы, упрошваў сакратара камісіі, якая раней выкладала ў яго ў універсітэце, выдаць яму хоць якую даведку аб тым, што ён прагаласаваў датэрмінова", - паведамляе назіральнік Барыс Бухель.
Ад назіральніка з выбарчага ўчастка № 21 Бабруйскай-Ленінскай акругі №78: “Літаральна зараз жанчына з “Белпошты” прасіла даведку аб тым, што яна прагаласавала, а потым скрыню для галасавання зафоткала.”
"Праваабаронцы за свабордныя выбары".
Навіны кампаніі ў фэйсбуку, твітэры і на Тэлеграм-канале