Праваабаронцы за свабодныя выбары

Праваабарончы цэнтр «Вясна» беларускі хельсінкскі камітэт

Папярэджанне назіральніку за... фота канцэрту ў школе

Кампаніі «Праваабаронцы за свабодныя выбары» працягвае паступаць інфармацыя пра інцыдэнты з мінскай школы №159. Як паведамляе назіральнік па ўчастку №390 Аляксей Лойка, сябры камісіі думаюць, як пазбавіць яго акрэдытацыі.

vybarchy_uchastak_390-7.jpg
Аляксей Лойка на ўчастку №390

Ён з раніцы ўжо паспеў адправіць дзевяць скаргаў на дзеянні сябраў участковай камісіі №390 па Мінскім-Заходняй выбарчай акрузе №102. Пра ўсе парушэнні імі выбарчага заканадаўства было напісана ў гэтых публікацыях:

Першы дзень датэрміновага галасавання: яўка завышаецца больш, чым у 10 разоў

На ўчастку, на якім паведамілі пра высокую яўку выбаршчыкаў, забаранілі фота- і відэаздымку

Фотарэпартаж з “містычнай” школы: забарона фотаздымкі, завышаная колькасць выбаршчыкаў, загоны

Другі дзень датэрміновага галасавання: зноў завышаецца колькасць прагаласаваўшых

На сайце адміністрацыі Фрунзенскага раёна г. Мінска размешчана інфармацыя, што паседжанне акруговай камісіі Заходняй выбарчай акругі №102 адбудзецца 14 лістапада ў 17:00. На парадку дня пасяджэння — вынясенне папярэджання назіральніку Аляксею Лойку. Аднак раніцай сітуацыя змянілася. Сябрам камісіі не падабаецца, што ўсё, што адбываецца на ўчастку, становіцца публічным, дзякуючы назіральніку. Іх не бянтэжыць, што выбарчы працэс паводле Выбарчага кодэксу, у Беларусі публічны і галосны.

«Ходзіць за мной па пятах. Пасля таго, як я выйшаў у туалет спыталі, што я там рабіў», — распавядаў пра пачатак назірання 14 лістапада Аляксей Лойка. І гэта яшчэ ўчастак не быў афіцыйна адкрыты.

Каля 11 гадзін сябры УВК №390 выклікалі старшынёй АВК Таццяну Забаўскую ў школу. Праўда, яна працуе ў гэтай школе педагогам-псіхолагам. Было вырашана правесці яшчэ адно пасяджэнне ў 14:30. Кажуць, што будзе разглядацца пытанне пра пазбаўленне акрэдытацыі назіральніка. Такім чынам, сёння ў адносінах назіральніка будзе два пасяджэння: участковай камісіі і акруговай камісіі.

«За сценкай старшыня акруговай камісіі Таццяна Забаўская тлумачыць старшыні ўчастковай камісіі №390 Алене Кульбацкай як прымяняць на пасяджэнні, на якім будзе разглядацца скарга на мяне, артыкул 44 Выбарчага кодэкса», — распавядае Аляксей Лойка.

Атрымліваецца, што старшыня АВК будзе выносіць папярэджанне на падставе заявы старшыні ўчастковай камісіі, якая працуе ў гэтай школе дырэктаркай і з'яўляецца непасрэднай начальніцай старшыні АВК.

Дапоўнена.

Сябры ўчастковай камісіі №390 вынеслі назіральніку кампаніі папярэджанне за фотаздымак канцэрту, якую ён зрабіў 13 лістапада ў холе школа. Канцэрт арганізоўвалі два дні запар датэрміновага галасавання пасля абеду. Нагадаем, што ўсім назіральнікам на выбарчых участках №389,390, 391 забаранілі фатаграфаваць. Аднак фатаграфію назіральнік зрабіў у холе школы, а не на тэрыторыі ўчастка. У першы дзень датэрміновага галасавання Аляксея запрашалі з участку паглядзець на гэты канцэрт, а ў другі дзень датэрміновага галасавання на ім прысутнічалі сябры ўчастковых камісій.

"Сказалі, каб я больш не раздаваў каментароў "сваёй любімай Вясне"", — распавядае Аляксей Лойка.

vybarchy_uchastak_390-14.jpg
Канцэрт у холе школы №159 падчас датэрміновага галасавання. Справа каля дзвярэй участкаў для галасавання стаяць сябры камісій

"Праваабаронцы за свабодныя выбары".


Навіны кампаніі ў фэйсбукутвітэры і на Тэлеграм-канале


Каментары