Праваабаронцы за свабодныя выбары

Кандыдат у дэпутаты па Нёманскай выбарчай акрузе №56  ад партыі АГП Сяргей Альшэўскі звярнуўся ў міліцыю з заявай аб тым, што на адным з участкаў для галасавання адзін член сям’і атрымаў бюлетэнь за другога члена сям’і і прагаласаваў.

На ўчастку №51 Віцебскай-Чкалаўскай акругі 18 старшыня камісіі Наталля Буйко забараніла здымкі пасля таго, як назіральніца Ірына Траццякова сфатаграфавала пратакол галасавання.

ГА “Беларуская асацыяцыя журналістаў” прэзентавала вынікі другога этапу маніторынгу асвятлення ў СМІ парламенцкіх выбараў 2019 года.

Мы працягваем збіраць выпадкі прымусу да ўдзелу ў датэрміновым галасаванні па ўсё краіне  - як студэнтаў, так і работніках дзяржаўных прадпрыемстваў.

Скаргі Юрыя Мельнікава, які вылучаўся па Віцебскай-Чкалаўскай акрузе №18 і быў зняты камісіяй з выбарчай гонкі, разглядзела Цэнтральная выбарчая камісія і Віцебскі абласны суд.

Кампаніі «Праваабаронцы за свабодныя выбары» працягвае паступаць інфармацыя пра інцыдэнты з мінскай школы №159. Як паведамляе назіральнік па ўчастку №390 Аляксей Лойка, сябры камісіі, думаюць, як пазбавіць яго акрэдытацыі.

У Мінску назіральніцу ад "Руху за Свабоду" Ганну Толчыкаву, якая назірае на ўчастку №589 па Усходняй акрузе №107, з дапамогай міліцыянта фактычна выштурхнулі з участку.

Кіраўнік ЦВК Лідзія Ярмошына рэкамендавала газеце "Бабруйскае жыццё" апублікаваць праграму кандыдата ад АГП Аляксандра Комара, якую раней не надрукавалі з-за фразы «З Лукашэнкам у краіны няма будучыні".

У інтэрнаце №10 БДУ у трэці дзень датэрміновага галасавання адбываецца масавы "загон" студэнтаў.   

Праваабаронца Валянцін Стэфановіч звярнуўся з заявай у Пракуратуру Заводскага раёна Мінска з нагоды прымусу да датэрміновага галасавання з боку выкладчыцы БДЭУ, прыкметы якога праглядаюцца ў відэазапісе, размешчанага на сайце Радыё Свабода.

Смаргонскі райвыканкам лічыць сустрэчу з праўладным кандыдатам грамадска важным мерапрыемствам, дзеля якой у школьнікаў адабралі міжурочныя перапынкі.

Віцебская абласная выбарчая камісія 13 лістапада не задаволіла скаргу блогера Дзмітрыя Казлова (Шэры Кот) на рашэнне выбарчай камісіі Аршанскай гарадской акругі №25, якая 8 лістапада пазбавіла яго статусу кандыдата ў дэпутаты.

На пасяджэнні акруговай выбарчай камісіі па Купалаўскай акрузе №95 прынялі такое рашэнне за, быццам бы, парушэнні ў справаздачнасці па руху сродкаў на выбарчым рахунку.

На ўчастак №585 Усходняй выбарчай акругі №107, які месціцца ў мінскай гімназіі №6, кіраўнік Руху "За свабоду" Юрась Губарэвіч выклікаў міліцыю. Падстава - завышэнне колькасці прагаласаваўшых выбаршчыкаў на 162 чалавекі. 

Як паведамляе назіральніца кампаніі "Праваабаронцы за свабодныя выбары" Ірына Траццякова, на пяці выбарчых участках, размешчаных у сярэдняй школе №45 г. Віцебска, камісіі за 13 лістапада склалі пратаколы, у якіх суміравалі яўку выбаршчыкаў за два дні датэрміновага галасавання.